Diserat Ku Soléh Alkafié

Dina Lapak
Fiksimini Basa Sunda

Facebook photo

Fikmin # Uteuk nu Kakudéta #

Cekés nyeungeut udud, dikenyot. Haseupna ditiupkeun, ngarahuh. Ramo kénca ngomé-ngomé buuk, gagaro sirah. Panon teu leupas mencrongan baris ungkara nu remen dipupus. Kerung, meureut uteuk. Ngetik deui sababaraha kecap, dipupus. Regot cikopi, ngetik deui sababaraha kecap, joré laju dipupus. “Huaahh!” uteuk nu ngoréhan ideu dipaksa nadah tugenahna haté, diséréd disiku. Idéu kapendet teu bisa bijil, ngahéphép. Tugenah jadi kawasa. Pondok harepan bakal nimu carita nu dipikahayang, World ditutup. Léptop dipareuman, rieut. Reup, peureum.

Ki piwuruk nyoara, halon. “Hidep moal nimu carita nu dipikahayang. Uteuk hidep mesin ngolah ideu keur dikudéta ku haté nu kapidangdung. Alusna kaluar heula ti ieu rohang. Bébaskeun haté hidep tina tugenah nu nyieun rumeuk uteuk hidep. Téangan patempatan nu mernah, di dinya bakal manggih ilham pangusir nu ngudéta. Mangga!” ki piwuruk mukakeun panto. Soloyong nu kalimpudan tugenah kaluar rohang, suwung. Koréjat beunta, katémbong léptop ngiceup nungguan ideu.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s