Diserat Ku Ikhsan Gumelar

Dina Lapak
Fiksimini Basa Sunda

Facebook photo

Fikmin # KI LAPIDIN (34) : Kaleungitan Si Jalu #

Pasosoré. Dasih di dapur. Nyeupan sampeu. Rék diurab. Tamba gado ngaburayot. Nungguan seupanan asak, gesrut marud kalapa. Si Jalu mah ti tadi ngagolér di kamer. Tibra meureun, da teu kecét-kecét. Teu kadéngé sorana. Seupan sampeu diangkat. Diwadahan kana ayakan. Keun sina rada tiis heula.
Koloyong. Dasih rék nempo Si Jalu, bisi lilir hayangeun cupak-capék.
“Hah? Sujang….!” Dasih ngagorowok. Kacida reuwasna. Si Jalu taya di kamer. Ditéang ka kamer hareup, euweuh. Lol ka tepas.
“Alhamdulillah. Sujang… ngareureuwas Mbu!” Si Jalu ukur nyengir. Anteng ngoprék nyonyoo momobilan tina wilahan awi, jieunan bapana di huma téa.
“Amengna di tepas wé nya, bisi aya sandékala!” Dasih ka dapur deui.
“Mbu.. mbu.., bapaaa…!” sora Si Jalu ngagorowok bangun kabias. Berebet. Dasih muru tepas. Bray muka panto. Plak! Jekok! Dasih aya nu nampiling, disusul peureup kana beungeut. Dayagdag. Blak! Nangkarak bengkang. Remeng-remeng. Kapireng. Si Jalu dicerek. Rigiwing. Belesat! Aya nu ngiwat. Les. Dasih teu éling-éling. Kapiuhan.***

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s