Diserat Ku Dyan Ibnu Hayli

Dina Lapak
Fiksimini Basa Sunda

Facebook photo

FIKMIN # Papanggih di Taman Jomblo #

“Deuh, euy. Hujan kieu mun boga bébéné anteng, da.” Abu Ngomong ka Bujank.

“Da atuh néangan geura! Lain ngadepong waé di kostan.” Bujank mairan semu ambek.

Kutrak-kotrék na laci. Muka céngcéléngan. Dikaluarkeun eusina. Diitung babarengan bari diharudum sarung.

“Aya lima ratus réwu. Urang ulin yu, ka Taman Jomblo!” Abu ngaharéwos.

Duanana ngajius na motor. Meulah heurinna jalan Bandung. Teu lila duanana nepi ka tempat anu dituju. Bujank nyampeurkeun hiji wanoja. Abu ogé saruana.

“Ah, euy gagal uing mah,teu bisa!” Bujank ngomong semu beureum beungeut. Ambek kapegung sigana mah.

“Matak tempokeun déwék!” Abu ngomong bari lajag-léjég.

“Néng, nepangkeun. Wasta abdi Raden Mas Supena Natabatasadasa Mangkuwanita Limatanpabusanasadaya”

“Abdi, Yista.” Ceuk awéwé uluman alimen.

Teu lila aya lalaki datang.

“Oh, kang Raden. nepangkeun ieu carogé abdi.” Yista nyarita.

“Abdi Obay Sobarna. Manéh saha, ngaganggu pamajikan déwék?” Sora Obay handaruan.

“Oh henteu, Kang. Abdi ukur badé nawisan bilih badé nyemir sapatu.” Abu ngadégdég.

Cakakak, Bujank ngagalakgak seuri.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s