Diserat Ku Asikin Hidayat

Dina Lapak
Fiksimini Basa Sunda

Facebook photo

Fikmin # HARITA, NALIKA KANGEN #

Sangkuriang. Rumpaka cinta nu kungsi digalindengkeun ku hidep ka Ema ukur lalajur pamustungan. Hidep kalimpud napsu jeung angkara nu lain dikieuna. Nalika hidep bajoang matéakeun keukeuh jeung peuteukeuh, satemenna Ema ngamaphum. Dalah nu kasebut cinta sayaktina kudu ditarékahan. Duriat bakal karasa hapa lamun wujudna pilakadar sasamar rasa. Ananging hidep salah alamat.
Ema téh sedih kabina-bina nyeueung hidep neumbag di salah pamiangan. Hidep ngurunyung ngiruhan kahirupan Ema lain dina wujud anak Ema nu samistina. Hidep teu bina ti durjana nu ngahiras duriat kalawan maksa.
Hidep susumpah bari téténjrag basa ti palebah wétan hibar giwangkara. Hidep najong parahu, laju ngabengbeos bari mawa rasa nu marudah. Ema ceurik, Anaking. Lain duméh geus codéka ka hidep. Tapi Ema kaleungitan rasa kangen. Ema sono ka teuteup hidep nu linduh. Dina hihideung soca hidep si Tumang ngalangkang. Hayang téh ngagorowok : “Anaking, Sangkuriang. Ngalieuk atuh. Tingal ieu Ema nu nyidem kangen…” Nanging hidep ngabéngbéos teu ngawaro…

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s