Diserat Ku SZ Äbidiñ

Dina Lapak
Fiksimini Basa Sunda

Facebook photo

Fikmin # Pangawasa Dunya Peteng #

Don Carlo nyarandé dina korsi ukirna. Ngenyot surutu bangun nu nikmat. Di hareupeunana aya dua urang jelema jangkung badag. Jasna sararupa, hideung garis-garis bodas. Tamu téh dariuk sanggeus nyium leungeunna.
“Kumaha kasino téh, lancar?”
“Nyéta, Si Bruno téh siga rada teu jujur.”
“Bérésan, ulah ngukut panyakit! Kumaha pengiriman barang? Euweuh masalah?”
“Lancar, Bos. Mung upami palay ngaronjat mah kedah aya ékspansi.”
“Maksudna?”
“Urang kedah tiasa ngarebut konsumén Si Antoni.”
“Alus, alus. Laksanakeun! Ngan omat, kudu rapih. Kamari gé ampir-ampiran. Untung pulisi, jaksa, jeung hakim geus dibayar!”
“Tinggal abdi nu can dibayar!” ceuk budak awéwé nu ujug-ujug kaluar tina lomari. Nu keur badami ngajarenghok.
“Ariana! Keur naon di dieu?” Don Carlo molotot.
“Keur ucing sumput, Pah! Ukeun atuh artosna.”
Budak téh dipangku, tuluy dicium. “Ariana, ukeun artosna ka mamah nya. Ieu mah artos panas!”
“Artos panas? Naon maksudna, Pah?” Ariana mencrong kana tumpukan dollar. “Geuning teu ngebul?”

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s