Diserat Ku Nena Hunaenah

Dina Lapak
Fiksimini Basa Sunda

Facebook photo

Fikmin # Tamiang Meulit Ka Bitis #
“Kalakuan téh angger, ti keur budak nepi ka nini-nini, ngaganggu batur.”
“Waktuna saré, ieu mah kalah hudang ngoprék laptop, seuseurian sorangan, lampu dicaangkeun, sérab.” Haji Dédéh kutuk-geneng, rup ngarurub karep ku samping bawaba.
Sa kamar opatan, kuring, haji Dédéh, haji Tati jeung néng Rina. Ngahaja saré di hotél ngarah rinéh satadina mah, tumaninah ngareureuh bari macaan fikmin, nyalse mandi, dangdan.
Padahal pihak pangantén awéwé nyayagikeun imah keur pangrereban ti pihak pangantén lalaki, maklum lalampahan Tasik-Porong.
Wanci liwat tengah peuting, kuniang haji Dédéh hudang, lapar, jeung rék ka jamban, uyup-ayap da lampu dipareuman, ngaragangan ti dituna mah.
Gap kuéh jojodogméong sésa, belewek dihuapkeun, digayem, rasana pengar, biwir jeding, rétép. “Jadol, digembrong sireum.” Kagok diteleg.
Nyasar gelas cikopi sésa, leguk diinum. Karasa aya nu melag na tikoro, diohékkeun, kaluar hanteu, abus hanteu, sihoréng cucunguk ilubiung nuturkeun sireum. Teu nyadar gélas dibabétkeun prang….
Nu tiluan kabéh harudang, kagareuwahkeun.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s