Diserat Ku Ikhsan Gumelar

Dina Lapak
Fiksimini Basa Sunda

Facebook photo

Fikmin # KI LAPIDIN (33) : Ngurus Pianaktéréeun #

Lapidin jadi buronan pamaréntah Hindia Walanda. Di Subang. Geus dua minggu ngahiang. Teuing nyumput di mana. Taya béja taya carita. Komo ngurunyung jinisna ka lembur mah, tara pisan. Hariwangeun. Nyi Dasih. Kapapancénan ngurus Si Jalu, anak Ki Lapidin. Nyaaheun pisan ka pianaktéréeun téh. Tulatén. Tara ngarasula. Blég ka anak pituin wé mun geus kungsi ngalaman boga mah. Si Jalu gé apét pisan ka manéhna. Ras ka bapana. Seblak! Longkéwang tan wangenan.
“Mbu, bapa mana?” Si Jalu nanya. Bingung ngajawabna. Leng. Ras deui. Ngalangkang imut ngirutna. Deudeuleueun. Beuki keueung. Melang. Honcéwang. Ayeuna teuing di mana, duka keur kumaha. Ari geus midangdam kieu, kongkolak panonna sok tuluy bedah. Teu kawawa. Kacida nalangsana.
“Bapa mana Mbuuuu..? Iiiih, Mbu mah…!” Si Jalu ngurihit. Keukeuh nananyakeun bapana. Ngéng ceurik. Eueuriheun.
“Bapa…, bapaaa…” Teu kaampeuh, Si jalu geuwat dirapék. Dirawu.
“Deudeuh teuing Sujang…” Diusapan. Dikeukeup pageuh. Cipanon teu saat-saat ngagarajag.***

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s