Diserat Ku Cucu Unisah

Dina Lapak
Fiksimini Basa Sunda

Facebook photo

Fikmin # Gentar #

Teu karasa, Si Cikal Gentar geus jalugjug ngaluhuran indung. Ras inget, dua puluh taun nu geus kalarung. Di hiji rohangan imah bidan, kuring pupuringisan nahan kanyeri. Geus teu puguh rarasaan, beuteung pating celekit, bobokong rocop. Babacaan sabisa-bisa, unggal karasa nyeri teu weleh istigfar.

Bukaan tilu, jol salaki nu kara lepas piket, masih kénéh mamaké baju dines. Manéhna lajag-lejeg, geumpeur tiditu na mah, maklum mimiti rék boga budak.

Rasa mules teu kaampeuh, bidan siap-siap nampa Si Utun. Salaki rikat nangtung deukeut sirah, niupan embun-embunan, laju pindah nyepengan tuur bari pipilueun méré komando.
Hing kuring ceurik, teu kuat nahan kanyeri.
“Ayo Bu, jangan cengeng! Istri prajurit harus kuat!” Pokna méré sumanget.

Tanaga mimiti bedas deui, waktu Bu Bidan méré nyaho yén sirah budak geus katempo, kuring satengah paéh ngaluarkeun tanaga pikeun ngaheunta, salaki rikat nangtung laju sikep sampurna, na ari celengkeng téh:

Maju tak gentar … Membela yang benar..

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s