Diserat Ku Aan Abdulloh

Dina Lapak
Fiksimini Basa Sunda

Facebook photo

Fikmin # Ditagih Wadal #

Sora talapok kuda eureun hareupeun imah. Kadéngé sora kuda hihiem. Jajantung Bah Daim ratug. Ras inget ayeuna Juma’ah Kaliwon. Waktuna séba.

“Iiim! Daiiim!” Sora nu nyalukan atra pisan. Bah Daim mubus handapeun simbut. Késangna ngoprot.
“Tulus yeuh aing dibandang ka nagara siluman.” Gerentes haténa.

“Daiiim! Kaluar sia. Atawa diirik ku kami ieu imah?”
Bah Daim ngarénjag. Ras. Mun imah diidek ku buta. Lain manéhna wungkul nu paéh. Anak pamajikanna ogé tangtu perlaya.

Lahlahan. Kurutak muka panto. Bréh, katémbong aya karéta kancana ditarik ku kuda bodas saopat-opot. Diluhurna anjeucleu dua jirim maké papakéan karajaan. Buta.

“Daim! Hayu sia milu!” Buta nyentak.
“Kuring mah lain Daim. Kuring Ohim.” Bah Daim némbal. Neger-neger manéh.
“Cik ningali KTP manéh!”
Gebeg! Bah Daim reuwas. Rumpu-rampa kana pésak. Song ngasongkeun KTP. Pasrah. Peuting ieu jadi wadal.
Buta ngilikan KTP. Lila. Rét ka baturna. Baturna gogodeg.
“ED..A…DA. I…eM…IM. OHIM! Bener geuning ngaran manéh téh Ohim. Hampura kula salah alamat.” Buta mikeun KTP.
Ngenyed tali lés. Biur karéta kancana ngageuleuyeung. Dipirig angin nu nyéor.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s