Diserat Ku Zév Myzoul

Dina Lapak
Fiksimini Basa Sunda

Facebook photo

Fikmin # DENGKLEUNG DÉNGDÉK #

Balé awi ngarekét mangsa nguniang rebun-rebun. Rét ka nu ngagolér gigireun. Ngageubra kénéh. Kacaangan balébat nu maloncor tina sela-sela bilik carang. Séahna sora wahangan, récétna sora manuk. Nyeuseup segerna ciibun ‘na pucuk-pucuk daun. Nyingraykeun pepedut nu ngalimpudan kanalangsa. Selengseng, seungit malati ti nu tibra. Celengok. Cium deudeuh jeung tresna. Samping rarang disimbutkeun.
“Hapunten, Geulis. Pun Engkang teu acan tiasa nyugemakeun salira,” gerentes haté, ngageuri. Peurih. Rus-ras karék sabulan kawin, ngan ukur bisa mawa nyaung-nyaung sisi Cipélés nu réhé combrék. Jaba keur kasibat. Emh.
Reeeng! Kasebelan. Geus sababaraha poé asa jadi réa laleur. Keur pakupis ku hihid, kapireng;
“Ti dieu euy bauna!”
Brak! Panto saung aya nu ngajejek. Blas-blus opat urang. Ngadadak arongkék. Gancang luncat, ngahalangan. Sieun ngaganggu nu keur tibra. Ti luar kareungeu nu ngagéréwék eueuriheun.
“Kasep, Anaking. Éliiing, Jalu,” melas-melis. Kajeueung diluar saung, mitoha jeung kolot sorangan, marengkek irung.***

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s