Diserat Ku SZ Äbidiñ

Dina Lapak
Fiksimini Basa Sunda

Facebook photo

Fikmin # Ampir-ampiran #

Barang asup ka jero bar, lagu “Stranger in the Night” Frank Sinatra ngabagéakeun. Tamu coréngcang. Meureun pédah peuting ieu tiris pisan. Jelema haroréameun lunta. Di juru aya awéwé diuk nyorangan, ngahudangkeun kapanasaran. Kuring nyampeurkeun bari mawa inuman.
“Kénging calik di dieu?” tanya kuring. Manéhna anteng nyeuseup roko. Cahaya nu remeng-remeng teu bisa nyumputkeun beungeutna. Katurunan hispanik, geulisna éksotik. Gék diuk.
“Nyalira waé?” Manéhna ukur imut.
“Marko.” Kuring ngajak sasalaman. Manéhna angger haré-haré. Leungeunna anteng ngulinkeun rokona.
“Cuacana tiris pisan nya?” Kuring jadi teu puguh rarasaan, lantaran teu dilayanan.
“Mister, mun kuring balaka. Naha anjeun bakal betah diuk di dieu?” Teuteupna seukeut.
Kuring kerung. “Maksadna?”
“Kuring anak buah Don Carlo. Sakeudeung deui anjeunna bakal datang ka méja ieu, pikeun ngayakeun babadamian.” Sorana halimpu, tapi nyentug kana angen.
Kuring geuwat cengkat. Barténder katingali nyéréngéh, waktu kuring ninggalkeun tempat éta. Di luar, peuting karasa simpé. Basa tilu sédan hideung areureun di parkiran.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s