Diserat Ku Neni Yuhaenah

Dina Lapak
Fiksimini Basa Sunda

Facebook photo

Fikmin # DUNYA ANYAR #

Teu karasa, kuring meungpeun. Ngajerit satarikna. Nempo dua jirim pikasieuneun ucang-anggé dina jandéla pangkéng. Panona nu burahay, anteng nyérangkeun.
“Aya naon?” Ema nyampeurkeun. Hariweusweus.
“Teu aya nanaon, Ma! Nembé beurit lumpat, ampir katincak.” Ngahaja ngabohong. Mun balaka, Ema pasti moal percanteneun. Panyangkana, kuring keur ngahayal deui.
Satutasna Ema ngaléos, kuring malik. Dua jirim keur nyéréngéh. Jiga nu nyingsieunan. Kuring nyampeurkeun, ngadeukeutan. Uplek. Wangkongan nu kaharti ngan ku kuring tiluan.
“Ujang ngawangkong jeung saha?”
“Nuju latihan drama, Ma!” Ngabohong deui. Dua jirim pikasieuneun, nyeungseurikeun. Ngéhkéh. Ema mah teu ngadangueun. Ku lila babarengan, rasa sieun ilang. Malah asa kagugu nempo kalakuan éta dua jirim. Pikaseurieun. Loba ceta.
Ayeuna mah pami Ema ningali kuring keur seuseurian atawa ngomong sorangan, tara turas-taros deui. Mung katingali sapertos nu héran, nyidik-nyidik. Kagambar dina pameunteuna.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s