Diserat Ku Nena Hunaenah

Dina Lapak
Fiksimini Basa Sunda

Facebook photo

FIKMIN # Ambu Dukun #
Pangawakan jangkung gedé, bitis calangker badis galugur kawung jelebudeun, digénggéan, mun pareng leumpang, disasada, ngelenncring.
Geulang ngoropyok semet siku, sapuluh ramo kabéh dialian, kongkorong sagedé dadung.
Calanana léging, kaluhurana nyitak tangka émbréh dua hulu kalapana.
Buuk ngawingking dikreul, beungeut camohok, biwir jebléh sagedé cau ambon ngabulaéh dilipensetip beureum, huntu emasna ngabarasat mun pareng nyéréngéh.
Barabat nyi Sukéti nyaritakeun kaayaan rumah tanggana.
“Lamun teu diubaran, salaki nyai bakal nalak, kawin kanu séjén.”
“Ubarna, endog heulang hargana sapuluh yuta, kembang tujuh rupa lengkep aya wijayakusumah, kacapiring jeung campakakonéng. Minyak poniba salwa ulah kaliwat, hargana limalas yuta.”
“Teu bisa nyumponan sarat ieu, wayahna nyai pagéto jadi rangda.”
“Kabeh sarat geus nyampak di kula, kari bayar.”
Leng… bingung, boga duit ti mana? Kating reuwas, pamitan ka jamban.
Jang Suryadi salakina ambu dukun ti tadi nyakcak, jol ngagareuwahkeun.
“Nyi Sukéti! Burukeun kabur, tunggu di péngkolan, ku akang disusul, sarua akang ogé pagéto bakal duda.”

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s