Diserat Ku SZ Äbidiñ

Dina Lapak
Fiksimini Basa Sunda

Facebook photo

Fikmin # Anak Monyét #

“Andjing dan Priboemi Dilarang Masoek!” Endin ngéjah tulisan dina panto Pamandian Tjihampelas.
“Neuleu naon siah?” Panjaga molotot. Endin nyingkah. Diuk handapeun mahoni. Teu lila, aya noni kaluar jeung indungna. Endin ngabagéakeun, “Non…!”
Si Noni nyeuleukeuteuk. “Mamih, itu anak monyét mapagkeun!”
“Hus! Teu meunang kitu. Endin téh pan jelema!” indungna ngagebés.
“Da Julia mah nurutan Si Papih!”
Endin ukur tungkul, ngingiclik ti tukang. Maranéhna méngkol ka Tjipaganti. Sup, ka imah gedong.

“Julia…! Papih kudu sabaraha kali ngomong? Montong paduduaan jeung anak monyét!” Tuan Jansen ngawakwak. Cimata Julia maseuhan jandéla, nyaksian Endin ditampilingan, tuluy diusir.

Hujan gé aya raatna. Jaman barobah. Kadigjayaan Walanda kari carita. Sersan Endin mingpin anak buahna ngarebut kantor radio. Di hiji rohangan, aya bulé keur ngahéphép ‘na kolong méja. “Hudang siah!” Endin ngagebrag méja. Si Bulé cengkat, Endin nyéréngéh bari nodongkeun péstolna. “Tuan Jansen. Inget kénéh teu? Ieu aing Si Anak Monyét téa!”

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s