Diserat Ku Neneng Yatikurniati

Dina Lapak
Fiksimini Basa Sunda

Facebook photo

Fikmin # Dititah Kekemu #

Jumanta, kadés anyar, mukaan arsip masalah wargana nu jaradi TKW. Acah, balik jadi bugang, dipaténi kabogohna. Icih, tinggal ngaran, dipaténi dununganana. Acih, mudik mawa awak nu cacad. Ocih, jadi langlang-lingling. Icoh, boga oléh-oléh, budak nu irungna bangir. Icah, keur nungguan éksekusi mati, dituduh maténi dununganana basa rék dirudapaksa.
Kadés maréntah Oding, stapna, mémérés sagala rupa, supaya euweuh nu ngalaman deui. Gesat-gesut, Oding muru imah Ocoh, nu sok néangan calon TKW. Teu dibéré tulak. Kapaksa ngaluncatan pager. Ngadobrag panto. Kasampak puluhan awéwé keur dikerem, jiga sato. Baregung jeung budugan.
Di Imah Juragan Ican, nu baheula hayang jadi kadés, aya nu keur arisan. Écin, badéga Ican, pepeta bari nyarita,
“Hayang utah, ningali laku lampah si Oding nu pupujieun.” Dihaminan balad-baladna. Encum nu ti tatadi ngadédéngékeun ti juru, nguliwed ka cai. Kaluar deui, laju nyampeurkeun Écin.
“Cin, pami hoyong utah mah, kekemu ku ieu, geura.” Ngasongkeun botol obat paranti meresihan cubluk.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s