Diserat Ku Nanang Ok

Dina Lapak
Fiksimini Basa Sunda

Facebook photo

Fikmin # Telepon Gangguan#
Keuheul. Geus aya tilu mingguna telepon imah gangguan. Sorasa ngeresek. Siga radio SW jaman baheula. Laporan mah geus bosen laporan. Gening can dibenerkeun waé ku Télkomna. Ah sabodo teuing, kapan boga hapé ieuh jang teteleponan mah.
Pabeubeurang satutas ngalongok sawah. Kirining telepon disada. Aya rasa horéam basa ngangkat telepon.
“Halow!”
“Halow, punten pami ieu leres bumina Pa Sobana?” Kadéngé sora awéwé. Cempréng ngajelengéng. Haté rada atoh sabab telepon geus teu gangguan deui.
“Sanés.”
“Oh, punten dupi ieu sareng saha?”
“Abdi Nanang.”
“Nunung?”
“Naanaang.”
“Punteen Ibu, sareng saha abdi nyarios téh?”
“Sanés Ibu, tapi Bapa da pameget!”
“Oh punten atuh, sareng sahaa?”
“Naa..naang!”
“Oh Nénéng.”
“Naanaaang!”
“Ih ulah ceuceuleuweungan atuh Bu Nining!”
“Naaanaaang!” Kuring ngagorowok bakat ku keuheul.
“Muhun, sakali ge kakuping jenengan téh Niniiing!” Sora cempréngna jiga nu ngahajakeun.
Braaak! Gagang telepon dibantingkeun nepi ka amburadul.
“Kunaon? Bu Nining geubis?” Kadéngé sora manéhna. Kekeresekan.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s