Diserat Ku Ikhsan Gumelar

Dina Lapak
Fiksimini Basa Sunda

Facebook photo

Fikmin # KI LAPIDIN (31) : Hiburan Istimiwa #

Marakbak. Damar séwu. Ngajajar mapaés buruan hareup Gedong Sociétét. Ketuk Tilu geus ngagembrung. Hiburan istimiwa. Ngareuah-reuah dipajangna patung Hofland. Nu lalajo ngagimbung. Ngawengku palataran ibing. Dicaangan tilu oncor. Kabéh ronggéng geus maridang. Jajangkungan. Wawayangan.
“Sateuacan kana babak pasakan, aya nu badé mintonkeun ibing tunggal. Urang Sembung. Laguna Kembang Gadung naék Golétrak” Lurah Kongsi méré iber. Nu lalajo kaleprok. Ayeuh-ayeuhan. Patingsaruit. Arapaleun kanu rék makalangan. Prung! Lagu Kembang Gadung. Lapidin ngibing. Parigel. Sagala kabisana diketrukkeun. Ibing penca, mincid, cingeus, éwag, bajing luncat, meulit kacang, kalawit, jérété, torondol, balungbang, balik bandung, kabéh taya nu kalarung. Pareng rék naék lagu Golétrak, di tukang aya nu patinggorowok.
“Bubar, bubar…!”
“Kepung..! Kadé kabur” Rep. Hiburan eureun. Nu lalajo ngaburiak. Nayaga jeung ronggéng ngajéngjéhé. Tingrarempod. Lapidin dikepung ku welasan pacalang Ki Demang. Rikat ngajéwang dua tihang oncor. Hiuk! Bek, bek! Bru. Nu ngahurup nalambru. Burudul puluhan kulisi jeung tentara Walanda. Lapidin geus ngiles. Ngidul. Diteureuy kebon entéh.***

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s