Diserat Ku Hadian M Sulaeman

Dina Lapak
Fiksimini Basa Sunda

Facebook photo

Fikmin # Nu Nanya Handapeun Tangkal Caringin #

Mun balik ngapélan Si Rangda donto. Remen kadéngé nu tingcirihil atawa tingcikikik lebah astana nu diliwatan. Alhamdulillah tara sieun, da teu némbongan? Hiji peuting, balik apél kapeutingan. Hujan ngaririncik ti bada Isa kénéh. Satutas namplokeun kasono. Waktu nyérélék. Rét kana arloji, gebeg…, reuwas! Horéng geus wanci tengah peuting.

Beurat-beurat ogé amitan. “Akang, ngéndong wéh! Hujan di luarna ogé!” Enok nyarék. “Piraku kedah mondok? Engké piomongeun jurig!” cékéng, sompral. “Iiih Akang, janten tingpuringkak kieu!” Enok ngabirigidig. “Wangsul heula sayang!” Uing keukeuh hayang balik.

Leumpang mapay jalan leutik, nu sisi kénca-katuhuna wangunan kosong. Awak mimiti muncicid katirisan, ku cai hujan silantang nu ngagebrét ngadadak. Berebet lumpat néangan tempat ngiuhan. Anjog ka handapeun tangkal caringin hareupeun astana. Tara ti sasari bulu punduk mimiti tingpuriding. Dumadakan. Gédéngeun uing, aya nu noél kana cangkéng. “Kang, nyalira waé!” cék hiji sora ngirung nanya. “Saha siaah?” cékéng. Ngalieuk. Bréh, katingali awéwé geulis ngajak seuri, hanjakal beuheungna ngaplék.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s