Diserat Ku Emi Maryami

Dina Lapak
Fiksimini Basa Sunda

Facebook photo

Fikmin # Luhureun Batu Gedé #

Angin nurugtug nurunan lamping. Nyampeurkeun nu ucang anggé na luhureun batu gedé. Daria, manéhna nganti langit dirungkuban jubah peuting. Gumbira rasa basa hiji-hiji béntang nu kamari ingkar ayeuna narémbongan deui, ngagiringkeun bulan kaluar tina panyumputanana. “Kanda… wilujeng wengi!” sora halimpu nu dianti, ngaharéwos. Nyingraykeun sakabéh guligah sabot kasono nurihan beurang. “Dinda…” gerentesna ngaragamang ka nu diuk gigireunana. Sasemplék-sasemplék méakkeun peuting bari ngahariring miceun karungsing. Duaan. Méméh srangéngé nu asa aing megatkeun deui nu pataréma, tuluy neruskeun hirup séwang-séwangan. “Énjing nging hilap sebat nami abdi deui, Kanda! Angin masihan jangji bakal nganteur deui nepangan salira sabot langit bebenah mérésan layung, ngamparkeun mangyuta béntang dina tiung méga nu ceuk batur hideung!” nu amitan ngaharéwos deui, ninggalkeun layon hirup nu unggal beurang ngarumpuyuk luhureun batu gedé nu bihari jadi témbok pamisah nu hamo bisa kahontal.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s