Diserat Ku Rizky Chandra

Dina Lapak
Fiksimini Basa Sunda

Facebook photo

Fikmin # Bandung jeung Haté nu Bulao #

Poé ieu, giwangkara medal gumiwang. Sumirat, pabaur jeung beuki nyambuangna seungit Kota Kembang, kabawa hiliwir angin. Mimiti haliwu ku budalna siraru bulao, rabeng tuluy napuk di Gazibu. Ti kulon, pelengkungna Flyover Pasopati, Rawayan Bandung ajeg tohaga, nganteurkeun teuneung, pameuntasan nu kapulas ku seuri-seuri kabungah.

Euyah-euyahan, dina gorowok anu sarua.
Atribut Viking, napel di unggal waruga. Ayeuna beuki ngempur, satutas méh salapanlas taun lawas ngadagoan. Sima maung nanjung, manjing wanci nepungan sajatina.
“Eumh, mun téa mah aya di dieu,” ngagerendeng. Basa ngeunteupkeun paneuteup ka saurang wanoja, keur nangtung rada nenggang. Kaca panon, rindat jeung tangtunganana teu dipiceun sasieur. Baju Viking nu dipakéna katempo mantes pisan nerap dina ragana. Imut, tuluy nyampeurkeun,
“Sono nya?” Ngaharéwos. Geus engab rék ngawalon, kaburu kapegat ku gorowokna réwuan Bobotoh,
“Persib Bandung jadi Juara!”

Nya, manéhna Ladiesviker nu geus tiheula jadi juara dina haté uing.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s