Diserat Ku Ikhsan Gumelar

Dina Lapak
Fiksimini Basa Sunda

Facebook photo

Fikmin # KI LAPIDIN (30) : Sakali Deui #

Jalma ngaliud. Panasaran. Harayang nempo janggélékna Tuan Hofland. Ngabedega luhureun tugu. Di parapatan. Hareupeun gedong Sociétét. Patung tina parunggu nu ngahaja didatangkeun ti Walanda, bakal nyakséni lalakon Subang ka hareupna.
Hofland kairing Ki Demang ngaroris. Nyerangkeun patung dirina ti kajauhan. Nangtung gagah. Wewengkon Subang lebah dinya karasa beuki éndah tur asri.
“Ketuk Tilu entertainment evenementen vanavond moet feestelijker zijn. Moet in overeenstemming zijn met de plannen die zijn besproken. Alsjeblieft beheerst door, Demang!!” Hofland papadon ka Demang.
Di tepas imah Lapidin. Nyi Dasih kawas samutut ku tutut. Jamedud.
“Pan akang apal, bapa gé ngantunkeun Ema téh gara-gara kabéngbat ronggéng. Abdi alim ngalaman siga Ema…” Dasih salempang pisan.
“Ih ari Nyai. Akang mah ukur resep hungkul. Kalangenan. Wios nya, engké wengi akang ngibing deui? Muhun?” Lapidin meredih ka Dasih. Najan bari teu panuju, Dasih unggeuk laun.
“Tapi jangji, ieu ibing pamungkas. Ulah deui-deui!” ceuk Dasih bari haténa mah angger teu mikeun.***

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s