Diserat Ku Asikin Hidayat

Dina Lapak
Fiksimini Basa Sunda

Facebook photo

Fikmin # NELENGNENGKUNG (3) #

Néléngnéngkung geura gedé geura jangkung. Geura makayakeun indung. Kalimah nu pandeuri rada ngageuri. Makayakeun indung? Indung beurang? Indung peuting? Dalah indung pituin taya juntrungna.
Uing dikadarkeun jadi mahluk pamustungan. Kadungsang-dungsang diréréyang cikésang. Rupa indung ukur jadi rurungsing. Teu bina ti lalangsé kayas, mindingan sekaring éling. Uing asa lain uing. Laku tambuh taya geusan nembrakkeun rasa.
Geus diniatan, mun panggih jeung indung rek dibagéakeun. Deuk dibéré kabungahan. Rék dipakayakeun. Meujeuhna da uing geus sawawa.
“Dia néangan indung?” hiji sora ngagareuwah.
“Bener. Dia nyaho di mana indung uing?”
“Tuturkeun uing. Tuh!” Curukna nunjuk ka palebah jungkrang lungkawing. Mangratus awéwé patingjuringkang. Aya nu ceurik. Nu jejeritan. Nu ampun-ampunan. “Éta kabéh awéwé anu meunang laknat ti Allah SWT. Lantaran ngabaékeun jeung ngalurjeunkeun anakna sorangan.”
“Indung uing aya di antarana?”
“Bener.”
“Tapi uing teu dengdem ka indung uing. Kumaha cara uing nulungan anjeunna?”
“Ngadu’a sangkan indung manéh meunang pangampura…”
“Gusti, hampura indung abdi,” gerentes uing…

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s