Diserat Ku Yusni Tria Yunda

Dina Lapak
Fiksimini Basa Sunda

Facebook photo

Fikmin #Nineung#

Jeprétan Kodak salikur taun ka tukang. Kasépna midang dina poto. Ngaduda. Aya tapak éling dina panonna. Jajantung katoél ku ikhlas imutna, kaciri tina gurat léngkob biwir teu nyabeulah. Nyegitilu irung luhureun biwir. Sérab, halis sajodo diadu. Ngajénan nu bakal nalika dedegan, éta kaméja nu teu kungsi diseuseuh ku popotongannana, tapi katempo rapih jigana anyaran dilicin sorangan.

Kuring inget basa Yadi rék motrét manéhna di tepas Mesjid Agung. Curukna nyintreukkeun calacah, teu biasa udud deui saprak gering. Haseupna teu pati hampang, rada lila naék ka luhur. Rét ka kuring, apal keur diperhatikeun. “Hiji, dua,…” sora Yadi eureun kapotong ku manéhna. “Ké heula, lur,.. urang rék bari nangtung” ceuk manéhna.

Salikur taun. Kiwari manéhna geus teu bisa nangtung deui, salilana. Kuring jeung Yadi ngaragragkeun cipanon maseuhan taneuh padaringan manéhna di Taraju, basa indungna teu eureun-eureun maca tahlil bari cirambay.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s