Diserat Ku Neneng Yatikurniati

Dina Lapak
Fiksimini Basa Sunda

Facebook photo

Fikmin # Oléh-oléh #

Kamari, ba’da magrib, Mang Dayat, babaturan Kang Husén, datang. Cenah balik ti Brebes. Rébo ku oléh-oléh endog asin. Basa dipurak, beubeureum endog asinna meni ambucuy. Cikruh, ngaminyak. Matak pedo. Balakécrakan. Malah tatangga-tatangga nu pangdeukeutna mah kabagéan, lima siki éwang.
Bieu, balik gawé, si Adé aléwoh, cenah tadi aya Om Andri, babaturan Kang Husén ogé, datang. Si Adé mikeun bungkusan, oléh-oléhna. Nuhun, Gusti…! Dasar milik, meni noron meunang oléh-oléh. Komo ieu mah ti Jerman. Bungkusan diangseu. Seungit. Panasaran pisan. Kacipta mun biskuit téh, pasti pedo elom. Ayém sori, Mang Dayat, endog asinna, léwat. Muka bungkusan bari ngahariring laguna Peter Maffay, “Du, bist alles, was ich habe auf der welt, ….” Bray, bungkusan muka. Kotak kaléng warna soklat, aya tulisan pulas emas, ‘Espresso Flavour. Premium No. 1’. Dibuka.
“Borokokok siah!” Dibalangkeun. Burulu, nu hideung, panjang tur gedé, ngaburulu. Kang Husén geuwat mulungan, tayohna sieun kaburu dijejek tur dileyek.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s