Diserat Ku Ikhsan Gumelar

Dina Lapak
Fiksimini Basa Sunda

Facebook photo

Fikmin # KI LAPIDIN (29) : Mapay Laratan #

Ngagujes. Karéta lori. Napak erél ngalér ngétan. Sakapeung lokomotipna kuong-kuongan. Gogorowokan. Lapidin jeung Dasih naék di Manyingsal. Mapay laratan nu baris ngawalian Dasih. Cenah bumén-buménna ngalih ti Purwadadi ka Tanjung, Cipunagara. Sanggeus ngaliwatan jambatan wahangan Cipunagara, bras ka Tanjung. Reg. Wanci nyedek peuting.
Hawar-hawar sada gamelan. Di bujur lembur. Dijugjug. Ngagembrung hiburan. Tingaréngklak papasangan. Réngsé lagu pamungkas. Pamogor nu awakna badag nyéréd ronggéng pangorana. Maksa. Nyi Ronggéng kéképésan. Mugen. Rawah-riwih. Lurah Kongsi bangun sieuneun.
“Ari ka awéwé sing sopan atuh!” kapaksa Lapidin ka kalangan, ngagorowok. Nu dihaok nyerentel. Teu tatanya. Peureup badagna ngahiuk. Digiwarkeun. Plos! Disusul dampal leungeun kénca Lapidin nyorong tonggong. Jolongjong. Bru! Nangkuban.
“Anjeun saha?” ceuk nu nyuksruk pupuringisan.
“Lapidin” Manéhna hélok. Hudang. Terus ngabrit jeung balad-baladna.
“Nuhun Jang. Maksad badé arangkat ka mana?” Lapidin ditanya sanggeus rinéh. Derekdek didongéngkeun. Pasemon Lurah Kongsi ngadadak robah. Rét ka Nyi Dasih. Dipelong.
“Ieu Bapa, Nyai…!” Gabrug. Dasih paungku-ungku jeung bapana.***

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s