Diserat Ku Hadian M Sulaeman

Dina Lapak
Fiksimini Basa Sunda

Facebook photo

Fikmin # Teu Ngarti #

Kokotéténgan ka unggal toko. Larsup saban wayah. Abong kandel kulit beungeut. Tunya-tanya ka palayan toko. Orokaya waleranna teu sayogi. “Pamohalan, Kang! Upami aya, abdi kersa janten istri salira!” Palayan toko, némbalan bari imut kanjut. Sanajan haténa kuciwa, teu jadi aral subaha. Manéhna yakin. Naon rupa kahayangna baris kapimilik.

Poé ganti minggu, minggu ganti bulan, bulan kasilih ku taun. Sumangetna ngagedur lir cahya obor nu ngabébéla. Manéhna keukeuh-peuteukeuh bari nikreuh-ngeureuyeuh, néangan. Pabeubeurang. Sup, asup ka emoll. Meunang béja, cenah di emoll sagala aya. Anu euweuh, sok diaya-aya.

Bener! Di jero nyampak sagala aya. Ti mimiti barang jeung kadaharan jelema, nepi ka kabutuhan keur sato sayaga. Opat jam nguriling bari tumpa-tempo kana pajangan anu ngabaris. Nu ditéangan teu némbongan. Méakkeun kapanasaran. Manéhna nyampeurkeun palayan. “Tétéh, cenah di dieu sagala aya. Horéng barang nu dibutuhkeun ku sayah, teu nyondong! Hanas jauh-jauh datang!” Manéhna keuheul. “Ngomong opo Si Mas, ora ngerti!” némbalan bari ngaléos.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s