Diserat Ku Atiqa Naim

Dina Lapak
Fiksimini Basa Sunda

Facebook photo

Fikmin # Bébéakan #

Mata beueus, sakeclak-sakeclak tungtungna murubut, teu kaampeuh. Jadi sagara. Kalebuh ku cimata sorangan. Kokoléaban néangan pamuntangan. Euweuh rangrang-rangrang acan.
Suruyuk hiu rék nyapluk. Kalayang lauk pari rék nyeprét.
“Gusti…! Tangtayungan diri abdi.”
Angkleung-angkleungan di sagara nu hara-haraeun. Euweuh pisan nu haat nulungan.
Di mana atuh basisir harepan, teu katempo kalangkang-kalangkangna acan.
Maksakeun ngojayan, langlayeuseun. Teu walakaya.
Pasrah kuma béhna. Tungtuna teu inget di bumi alam.
Golosor, jeduk…! Neunggar tunggul. Nyah beunta, luak-lieuk. Nyangsang teuing di basisir mana.
Bungah, bungangang, najan can kumpul lelembutan.
Dadaligdeugan can panceg pipikiran.
Awak kabulusan. Karérét aya durukan. Kagembang, ngadon siduru. Haneut, awak mimiti cénghar. Lila-lila seuneu ngalentab, kaduruk, kahuru. Tutung, ancur, jadi lebu. Kumalayang silalatuan marengan jisim nu teu sampurna. Marakayangan. Panasaran ku hirup nu teu weléh
ditalikung ku kanalangsa, kasiksa ku kaayaan.
“Tulungan..!” jisim terus kumalayang.
Mawa kapeurih nu teuing iraha laasna.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s