Diserat Ku Aan Abdulloh

Dina Lapak
Fiksimini Basa Sunda

Facebook photo

Fikmin # Nu Miang Teu Mulang #

Hamdi lunta dijajap ngeprisna cimata Ranti. Tonggérét ngagerét nganteur peurih nu sumélékét. Najan seunggah medal tangkeupan nu dirungrum nyaah. Hamdi ngageuingkeun wawanén. Nyungsi panggero lemah cai. Dumuk nagara miharep nu buméla. Malar euwah-euwah ingkah teu deui ngajajah.

Leungeun baju Ranti lantis ku kasedih. Segrukna katahan ku samping lalayu sekar nu nutupan baham. Nyésakeun inghak nu katara. Mirig karémpan nu ngagalura na dada. Palias mun miangna Hamdi ukur nyungsi pati. Hamdi ninggalkeun pucuk-pucuk harepan. Lunta tina peueut rumah tangga nu can mahi saminggu diuyup.

Ranti ngalangeu dina bangbarung. Teuteupna anteng manco péngkolan. Péngkolan nu lima bulan katukang neureuy Hamdi salakina. Nu miang jangji sabulan geuning teu mulang? Ilang taya laratan.

Ranti ngajubleg. Cimatana geus lawas tuhur. Korédas dipaké ngumbah kanyeri nu teu waé kalis. Haténa teu daék sadrah. Najan hantem dibeberah.
Hamdi lunta teu ninggalkeun harta. Ukur jangji jeung utun inji.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s