Diserat Ku Deny Purwanto

Dina Lapak
Fiksimini Basa Sunda

Facebook photo

Fikmin # Aléxander Komarov #
Laju Karéta humandeuar, sora Lokomotifna beuki peura. Nyiklakkeun salju, ngalawan tiisna hawa mineus salawé darajat sélsieus.
Di Gerbong pribadina, Komarov anténg mukaan albeum foto. Sabot keur nelek-nelek hiji foto, krup! aya nu meungpeunan ti satukangeunana. Lemes tur seungit ngadalingding. Wanoja pirang buukna, malédogkeun imut jeung haneutna Vodka Bizanova. Sabingbilangan rasa, lumiar lampar. Komarov peureum beunta, tetempoanana ranyay. Remeng-remeng, ratusan bangké jalma ti saban désa nu kaliwatan ku manéhna, tingkuniang. Ngahina. Nganaha-naha. Ngancam rék nandasa. Komarov ngagoak. Késang ngoprot, tiis saawak-awak. Karéta ngarandeg.
“Stasion Kuvykta” gerentesna, bari ngumpulkeun lelembutan. Hordéng disingkabkeun.
Ratusan jalma pésta Martyn Blécini, éak-éakan dansa bari meuleum Patung Jarami. Wanoja pirang nu sapeuting maturan, katémpo seuseurian, léngkahna sasampoyongan.
Rét, kana foto nu ngagantung di rohanganana.”Sanajan anjeun geus euweuh dikieuna, tapi ngaran anjeun langgeung dina ieu Karéta.”
Foto némbal, oyag-oyagan jeung léngkah Komarov.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s