Diserat Ku Yoen Yoeliztya

Dina Lapak
Fiksimini Basa Sunda

Facebook photo

Fikmin # Ompol Si Empus #

Peuting kamari, basa rék reup, disépak heula ka luar. Sigana sabot kuring tibra, ngeteyep, milu ngaréngkol na enggon. Kangaranan kamer ukur dihordéngan. Ari bray, bener wé, baseuh saparo awak. Moal salah, kalakuan Si Empus.

Lain sakali dua kali guyang dina ompol Si Empus. Puluhan, ratusan boa. Teu kaur ganti sepré, garing kasur, diciprukan deui. Teu méré ombér jang nu rék genah ngimpi mahabarata. Rudet, handeueul, ambek nyedek tanaga midek jeung teuing naon deui ngaranna.

Abong sato, teu euih-euih sakitu geus ditakol, disepak jeung dilékéték ogé. Nu acan téh dijegurkeun ka sumur, teu téga, inget ka Si Bibi nu méréna, rawatan cenah, ucing hadé. Kungsi dipiceun, bisaeun balik, apal jalan.

Tadi dipiceun deui, ka Pasar kota, ngarah héséeun balik. Lugina nyanghareupan peuting. Kasur garing, sepré beresih. Saré tibra, ngimpi éndah, kaciptana. Acan oge janari, geus lilir deui, jemblang saawak-awak. Teg. Pasti Si Empus maok jéngkol di pasar.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s