Diserat Ku Titin Suryani

Dina Lapak
Fiksimini Basa Sunda

Facebook photo

FIKMIN # TULUNG …! #

Peuting, poék mongkléng. Dapuran awi pating rarekét. Daunna patingarulang, diteumbrag gelebugna angin. Sora cai susukan ngagurujag, dipairan récétna bancét. Kuring saparakanca nikreuh, mapay jalan tarahal nu mingkin nanjak. Ambekan ngahégak.
Taya nu wani nyoara. Ukur patingkedeprukna sora sapatu, silih témbalan.
Hiek bau hanyir. Geleber, aya nu kumalayang. Laju kadangu sora nu kekecrok. Saréréa patingraringeuh. Baranyay sénter ditojokeun kana éta sora. Bréh hiji waruga, rangkebong. Getih ulawéran tina sirahna. Mapay beungeut nu haropak. Panonna nu bolotot, méh kaluar. Létahna ngelél, cipruk ku gétih. Saréréa patingjarerit. Beretek lumpat sakalumpat lampét.
Ti kajauhan kadangu sora motor ngagerung. Baranyay lampu nyaangan. Kuring gugupay, ngeureunkeun. Reg. “Kang tulungan….!” “ Aya naon Bu? Aya jurig nya? Nu sapertos kieu?” Cenah, bari ngabébékkeun kulit beungeutna. Gebeg! Beretek deui lumpat. Babaturan nuturkeun tukangeun. Srog ka hiji lembur. Haruhah haréhoh. Ari ngalieuk ka tukang, nu nuturkeun patingdarigleu bari ngajingjing sirah séwang-séwangan.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s