Diserat Ku Rizky Chandra

Dina Lapak
Fiksimini Basa Sunda

Facebook photo

Fikmin # Basa Kuring Miang #

Basa kuring miang. Ti tungtung marga wétan. Giligna pikir kajurung bongan-bonganna kaayaan. Sérab ku gurilap inten, méh aya diunggal manahab. Lain nu kuring.
“Heug, ngawidian ngan sing bisa mawa diri.” Kecap éta minangka bekel ti indungbapa nu kabawa. Sarénghap jeung saketeg, paniatan geus kagok nyaliara, minuhan kocoran nétra. Tuluy nutupan ceuli tina kecewis teu ngarti. Nya, basa kuring miang. Haliwu.

Basa kuring miang. Tuluy dipapagkeun hawa teu biasa, ti héab lemah panincakan nu kacida béda ti lemah sarakan. Nya, didinya kuring muka lahan. Nebarkeun binih impian, sapanjangna peuting. Nyangking gebur beurang, dina keupeulan.
“Kapan kamu pulang?” Ukur dijawab gideug. Kuring betah, di tempat ngabalieurna nu embung nyaho. Jorélat nu moho ku sono, dipulas dipoho-poho.

Hanjakal, peuting teu salawasna peuting. Silanglang dina sagara impian, kapungkas galura lambak anu kacida rosa. Kuring kapangpéngkeun, perlaya dipapag karang. Tuluy awak jeung impian kuring disimpen di jero koper, di hiji apartemén Wan Chai, Hongkong. Nya, basa kuring miang. Haliwu.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s