Diserat Ku Jonny Taurus

Dina Lapak
Fiksimini Basa Sunda

Facebook photo

Fikmin # Girimis Na Tungtung Peuting #

Girimis na tungtung peuting. Pantesan asa bayeungyang, horéng mimitian ngijih. Ngaringkeb sabada isya, teu nolih barudak réang, ngéngklakan Persib di final. Haté geus teu puguh rasa, inget waé ka salaki, nu geus tilu poe miang, majarkeun nyiar kipayah, nguriling nawarkeun hordéng, milu dagang jeung Kang Sarnip, mapay lembur kontrak karét.
Asa aya nu keketrok, kana panto hareup imah, dirérét jam dua leuwih, barudak geus tibra saré, ngagolér hareupeun tv. Kuniang rék muka panto, méméh muka nakon heula, sora salaki ngajawab, “Geuwat nyi bukakeun panto”.
Kulutrak panto dibuka, da yakin salaki datang. Tapi kagét liwat saking, barang panto geus dibuka, salaki teu katingali, haté beuki panasaran, kuring ngurilingan imah, angger suwung teu kapanggih, kuring ngagero ngarana, lebeng taya kalangkangna.
Na saha anu keketrok? haté mimiti tagiwur.
Girimis na tungtung peuting.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s