Diserat Ku Herdy Pranadinata

Dina Lapak
Fiksimini Basa Sunda

Facebook photo

Fikmin # Peuting 31 #
Di balkon lanté 31. Peuting ceurik balilihan nyakséni waruga nu ditandasa dina hiji pésta. Lebah dinya, dina rohangan nu dipinuhan lantéra Jack-o’-lantern, beungeut maranéhna dipulas rupa-rupa. “Trick or treat!” pokna bari ngamang-ngamang péso. Ukur ngabelengéh. “Jack, tong nyingsieunan atuh, pan ningali beungeut anjeun gé geus matak ginggiapeun,” témbalna bari ngadilak. Laju ka janari. Pésta pinuh rusiah beuki nepi ka puncakna. Karamél, cidér, candy apel jeung vodka patulayah, ngabayabah. “Sakeudeung deui, iblis bakal mapagkeun anjeun,” Jack ngaharéwos, bari ngibaskeun jubah drakula nu maskét dipake ti soré mula. Lir disihir. Manéhna anut kana sagala paménta. Sumerah. Teu bisa hojah disérédkeun kana altar nu bakal ngeureunkeun nyawana.”Ampun, Jack naha anjeun jadi iblis bungkleukan,” jeritna, leungeuna beureum nungkup beuheung nu gudawang. ‘Halo, pan ayeuna téh Halloween,” omongna,sakilat péso nanceb dina dada. Jumarigjeug. Léngkahna beurat muru jandéla. “Halo, ayeuna bagéan manéh,” ramo-ramona beureum nyekelan seuseukeut botol

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s