Diserat Ku Deny Purwanto

Dina Lapak
Fiksimini Basa Sunda

Facebook photo

Fikmin # Bratayuda Rawa Deungdas #
Rawa Deungdas, jadi saksi bratayuda Karajaan Caturangga. Gorowok awor jeung kocéak prajurit nu perlaya nandonkeun pati.
Di mumunggang Rawa, dua Satria tarung padungdung. Ragot ngadu wewesén jeung kasaktén.
“Cuuh! horéng ngan sakitu kasaktén téh.” Kalapeteng susumbar bari cumiduh. Kalabodas kabeunangan, awakna ngabangkieung.
“Tong waka gedé sungut deuleu!”. Nangtung deui, hoakna nyumputkeun kanyeuri. Tarung beuki campuh. Tingkalayang, tingbelesat sarua rancingeusna.
Wanci sareureuh budak, perang lekasan. Kalapeteng leuleus, Kalabodas teu walakaya. Teu jauh ti maranéhna, saurang Panglima jeung dua prajurit nu mumusuhan ngalalungsar béakeun tanaga. Rawa Deungdas tiis jempling.
“Sanajan béda pakulitan, urang téh…” pokna teu kebat, aya nu nyelek kana dadana. “Urang téh sakocoran Kakang.” Kalabodas nyambungan ku sora nu sarua dareuda.
“Diadu dombakeun urang téh Kakang.” Simpé, témbal nu kadéngé ukur ohék-ohékan. Gebeg! Kalabodas maksakeun cengkat, mencrong nu keur ngorok ditiruk Jamparing Pati. Getih mancer tina beuheung Kalapeteng. Kalabodas buringas deui.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s