Diserat Ku Asikin Hidayat

Dina Lapak
Fiksimini Basa Sunda

Facebook photo

Fikmin # NELENGNENGKUNG #

Suci. Ngaran tanpa surat. Euweuh saksi euweuh paraji. Saucapna baé ditepikeun ka ieu orok. Dapon netengeran manusa nu anyar lahir tina rahim kuring. Orok beureum diteuteup leubeut kageugeut. Suci, geulis. Hidep téh lucu liwat saking. Sapuluh ramo leungeun jeung sapuluh ramo suku, sababaraha balikan diitung. Sampurna. Teu aya cacad najan sacéda. Poé ieu, hidep jadi bungkeuleukan manusa anyar anu bakal nyorang pirang-pirang lalakon. Siklus kahirupan antarana bakal jadi milik hidep.
Mangsa ku Mamah dibedong, hidep neuteup teu ngiceup-ngiceup. Lir aya patalékan kapanasaran. Tapi Mamah surti, Suci. Satemenna kapanasaranan hidep téh rarajét haté Mamah. Rumasa Mamah moal bisa ngarorok hidep sakumaha mistina. Umur Mamah nu karék 13 taun teu cukup kaweruh pikeun ngurus hidep. Mana ayeuna ku Mamah seja dititipkeun di hareupeun panto imah batur. Sakalian ku Mamah dibekelan pedang titinggal karuhun. Geusan nigas beuheung sapuluh lalaki nu kungsi merkosa Mamah basa harita balik sakola. Salapan bulan ka tukang!

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s