Diserat Ku Ade Kusmana

Dina Lapak
Fiksimini Basa Sunda

Facebook photo

Fikmin # Dadali Beureum Kanggo Nyai #

Tep, kana jang-jangna. Ber, ngejat. Treup, dina pucuk haréndong. Kuring nyampeurkeun lalaunan. Ngaléngkah ati-ati. Manéhna taki-taki. Rurat-rérét. Tep, kana buntutna. Ber, ber, ber, gugurubugan. Adug-adugan kana jempol jeung curuk. “Nyai kénging!” kuring ngagorowok bari ngingsreuk-ngingsreuk lého. “Alim papatong nyai mah, hoyong itu!” curukna nunjuk ka awang-awang. Kuring malik tuluy tanggah. Dadali beureum dadana bodas. Mébérkeun jang-jang nyiksikan méga. Surang-séréng kakalayangan. Ngéngkréng nangtang gelebug angin. Suat-sieut nyamberan kapinis. “Gagah pisan nya ang, pangnéwakkeun kanggo nyai!” Kuring gideug. Téwak atuh ang!” “Engké nyai!” “Iraha atuh ang, énggal téwak!” “Antosan nyai!”

Di puseur stadion nu raéng ku surak jeung tembang. Raray nyai ngalangkang. Ngabobotohan akang nu badé mikalang. Ngaguruh jeroeun dada nu dipulas dadali. Sumanget ngabebela. Du’akeun akang nyai! Dadali badé mesat ngacak-ngacak méga. Ngapung luhur nyakaran langit. Dadali sanés ngan saukur jujuluk. Moal éléh unggal tarung. Moal soak najan tandang. Dadali lain papatong. Nu ngan saukur bisa moyan dina haréndong. Antosan akang nyai!

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s