Diserat Ku Aan Abdulloh

Dina Lapak
Fiksimini Basa Sunda

Facebook photo

Fikmin # Nyumbang Lagu #

Unéh kérék nyegrék. Ocim nu titatadi peureum hayam, beunta. Koléséd turun ti ranjang. Sarung nu diharudumkeun ayeuna ngongkoyang na beuheung. Horéng papakéanna nécis titatadi. Ngaléngkah jéjéngkéan. Ngarandeg lebah eunteung lomari. Nyisiran buuk. Méngplé. Duit ladang ngagadékeun TV diitung. Bes kana pésak.

Saged. Lalaunanan muka panto kamar. Jrut kaluar ti imah. Rurusuhan nurugtug mapay jalan tarahal. Ngingkig ka lembur landeuh. Teuneung najan ngaliwatan makam tungtung lembur.

Hawar-hawar kadéngé tatabeuhan ngeungkeung. Instruméntalia. Tayohna tatalu. Ocim satengah lumpat hayang gancang tepi.

Anjog kanu kariaan, nu lalajo heurin usik. Orgen geus réngsé dua lagu. Héllo Dangdut jeung Anggur Mérah. Nu nyawér geus tarurun.

Ocim seseledek ka hareupeun panggung.
Ngong MC cacarita. Ngabéwarakeun.
“Aya sumbangan lagu ti Unéh Awét Rajét! Dupi laguna Talak Tilu! Ieu lagu dispésialkeun kanggo Kang Ocim Golér! Implik-implikna, duit ladang ngagadékeun TV sawérkeun kabéh!”
Ocim ceuleumeut. Nu lalajo éak-éakan.
Tatabeuhan mangprang. Talak Tilu. Nu nyumbang lagu geus kahareup. Ocim melong. Sidik éta Unéh pamajikanna. Najan beungeut camohok ku make-up. Apal calana léjingna soéh lebah tuur.
Ocim naék ka panggung. Disurakan ku lajoan. Beungeutna pias. Kabayang balik dijiwir.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s