Diserat ku Zév Myzoul

Dina Lapak
Fiksimini Basa Sunda

Facebook photo

Fikmin # GURAT #

“Pangmacakeun…!”
Nostradamus, ngayekyek. Dipolototan congo gobang karahaan. Tatanggahan. Milang béntang. Ramo-ramona pabeulit. Gogodeg. Késang renung dina mastaka Bagawan Astronom nu sulah.
“Cobi tataros ka ditu, Nun,” curukna gumeleter ka punclut Vésuvius.
Geutah Eucaliptus merebey kakoét gobang nu humandeuar. Tapak dampal lalampahan nu ngalalakon, jadi gurat panjang carita.
Gejlig.
“Bagéa, Anaking,” pokna Zeus nu disorban jeung digamis. Gobang gulinggasahan. Dina sorot soca nu ngalamad, nyureng nu hémpak mérbayaksa.
“Dia nu nangtukeun nasib kula? Mana buktina?”
Zeus ngarérét Tangkal Kahuripan. Kana régang nu daunna kari hiji. Ngalakay.
Pudigdig. Gobang ngagerung. Sirah Zeus ngagelenceng. Déwa-Déwa raéng talakbir.
Dianteurkeun katumbiri, Manéhanana mulang. Sinjang balébat nu ngajadi ciri, kékélébétan.
“Kumaha?” takon nu norojol ti jero imah kardus. Samping ngaléléké.
“Lain jodo,” témbalna pondok. Gogodeg lungsé, ngarérét tukang béca nu kérék tataranjang dibantalan duit lima réwu.
Gobang nyakakak peura.***

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s