Diserat ku SZ Äbidiñ

Dina Lapak
Fiksimini Basa Sunda

Facebook photo

Fikmin # Tamu Kasorénakeun #

Moal disebutkeun ngaranna mah, rusiah. Satadina gé kajadian ieu moal rék dicaritakeun. Ngan, Ki Sobat maksa waé. Nya ahirna lalakon ieu nepi ogé ka nu maca.

Harita, kira tabuh opat soré. Basa hujan ngagebrét, aya dua urang lalaki namu. Mimitina mah reuwas. Aya naon gegedén rurumpaheun ka imah kuring? Tapi, sanggeus dipikir mah kaharti. Meureun Pa Camat nu nuduhkeun. Manéhna kungsi nganteur anakna, diubaran bisul. Alhamdulillah, cageur. Nya meureun pabéja-béja.
“Nepangkeun, ieu téh calon bupati. Sateuacan diistrénan, palay dilandongan heula. Supados engké dina ngalaksanakeun tugasna lungsur-langsar!” ceuk nu bayuhyuh.
“Ah, da abdi mah teu tiasa nanaon,” témbal kuring.
“Hahaha…low profile, high profit!” Manéhna ngabarakatak. Beuteungna endag-endagan. “Percanten, Pangersa. Kieu, Pun Alo téh boga tato dina leungeunna. Bisi kapanggih ku wartawan, engké piomongeun!”
Kuring unggut-unggutan. “Oh, palay dihapus? Mangga atuh urang cobian!” Kuring nyolokkeun istrika. Na éta mah, tamu téh ujug-ujug kabur. Teu maliré kana hujan nu beuki gedé.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s