Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Nyangkalak Sanca (02) #

Saprak harita pangangonan jadi teu aman. Unggal aya ingon-ingon nu ngalanto ka lebah dinya pasti ilang. Pangeusi lembur tambah kapaur. Sien éta sanca asup ka lembur.

“Kudu kumaha atuh? Sugan baroga tarékah keur nyangkalak sanca?” Kadés Inang nanya rahayat. Nu ngarariung dina éta gempungan.
“Ceuk usul ua mah kieu, Jang. Urang cobaan asrék. Urang téwak babarengan. Piraku jalma salembur éléh ku oray hiji?” Wa Deli ngusulkeun kamandangna.
Nu haladir ting arunggut.
Gobés ukur ngahuleng. Teu wasa nepikeun kanyahona. Kajurung ku kaéra.

Isukna. Pangeusi lembur budal. Ngabring nuju pangangonan. Sisian walungan.
Diasrék. Dikotéktak. Rungkun disuaykeun. Eurih direbahkeun. Sédong ditempoan. Sanca teu kapanggih. Ukur aya tapak ngaléorna nuju ka leuwi.
Nu naréangan taak. Baralik.

Pasosoré. Gobés ngagedok nuar gombong. Diraradan. Panjangna aya kana 10 métér. Dipanggul. Digolérkeun sisi leuwi. Laju diulas-alés gajih. Réngsé. Léos, Gobés mulang.
Isuk-isuk lembur ibur. Aya sanca ngajolor sisi leuwi. Awakna heuras. Teu bisa walakaya.
Gobés marahmay.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s