Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Madrid 3 : Barca 3 #

Santiago Bernabeu metet ku nu lalajo. Madridista méh minuhan kabéh korsi. Nyésakeun tribun kulon keur Lés Clués.

Priiit! Duél Él Clasicco dimimitian. Tiki-taka dipaénkeun ku pamaén Barca. Operan deukeut rapet. Iniésta, play maker cuh-cih ngatur serangan. Bal ti Iniésta ditampa ku Méssi. Dioper langsung ka Néymar. Dribling ngaliwatan Pépé jeung Ramos. Bal disépak ngulit jukut. Nyerepet. Plos. Casillas néwak angin. Bal ngoyod na gawang. 1-0, sémah unggul.
“Horséééh!” Jasim surak ajrag-ajragan. Bubun jeung karna ukur ngélémés.
Der deui tarung campuh. Madrid nyerang. Ngagalura ngombak sagara. Bék Barca pahibut. Piqué hên. Wasit nunjuk titik pinalti. Bal disanghareupan ku Ronaldo. Ngawahan. Jebét! Plos. 1-1. Bubun jeung Karna surak. Jasim répéh.
“Keudeung gé Barca meunang deui. Pasti ngasupkeun deui babak kadua.” Jasim teugeug.

Barca terus dikepung dibabak kadua. Teu bisa mingé. Gawang jebol deui dua ésé. Ku Pépé jeung Bénzéma. 3-1.
Bubun jeung Karna rarampayakan hareupeun irung Jasim. Pudigdig Jasim ka hudang amarahna.

“Barca éléh, Sim! Euweuh taian lah. Goté. Moal kuat ngalawan Madrid mah!” Bubun ngancunan.
“Tilu hiji…tilu hiji…tilu hiji… Aaaw…aduuuh!” sora nu nyeceléh répéh.
Hareupeun TV, getih ngabayabah. Bubun beuheungna ngaplék. Karna beulah sirahna.
Jasim ngajega ngajingjing bedog nu ngucur ku getih.
“Madrid 3 : Barca 3. Seri. Katambahan ku nyawa ilaing.” Jasim nyéréngéh.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s