Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Orowodol #

Hujan ngaririncik ti soré kénéh. Hamid cinutrung di pos. Ngalamun. Wegaheun kudu ngurilingan pabrik. Najan teu pati gedé. Loba sugag-ségogna nu matak keueung. Komo bésmén mah. Najan mabra tapi sepi.

Lah-lahan. Kuniang Hamid cengkat. Gap kana sénter jeung pentungan. Léos ninggalkeun pos satpam. Seja ngaroris wawangunan pabrik.
Anjog lebah wangunan WC, Hamid ngarandeg. Mandeg mayong. Ras ka dongéng satpam nu tiheula. Cenah aya orowodol. Jurig nu purah megat léngkah. Puringkak, bulu punduk hamid cengkat.

Maksakeun ngaléngkahkeun suku. Sénter nu disebrotkeun ngadadak pareum. Badéna keuna cihujan. Gulutuk! Aya nu ngagorolong megatan. Hamid nyingcet. Gulutuk deui ngadeukeutan. Ngahalangan léngkah. Jetruk katajong. Ngagedéan jadi sagedé kelenci. Ngulinceur deui deukeut suku. Kadupak. Pedegdeg jadi sagedé domba.

Gajleng. Hamid luncat. Beretek lumpat ka bésmén. Nu sagedé domba nuturkeun.
Jebrod! Jebrod! Ku Hamid ditajongan pedegdeg ngagedéan. Hantem ditajong. Béhna mah mahluk téh ugal-ugil. Sereg minuhan bésmén.
“Hag, siah! Puas!” Hamid sura-seuri. Mulang ka pos.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s