Diserat ku Ade Satia

Dina Lapak
Fiksimini Basa Sunda

Facebook photo

Fikmin # MUSTAHIL #

Geleser, mobil lamboghini kaluar ti buruan imah Ma Imot, mawa Nyi Asih nu jadi pinunjul dina saémbara “Ratu kecantikan” sa alam dunya. Sapanjang jalan désa pada ngajajap ku batur salemburna, milu reueus. Tagonian jeung marawis mirig kana surak nu euyah-euyahan, kembang puluhan rupa warna ngampar mayakpak dina jajalaneun.
Léok ka jalan gedé, jangjang mébér, digas satakerna belesat ngajomantara, ngajewang katumbiri nu melengkung mapaésan langit, disoléndangkeun dina taktak. Laju mipit panon poé, pel dipasang dina makuta, murub mubyar nambah kageulisan Nyi Asih.
Lebah bulan nu kari sapasi, Nyi Asih turun, nyampeur si Onét, ucing kameumeutna Nini Antéh, sanduk-sanduk ka nu boga, rérés, biur nuluykeun lampah, ngajugjug Los Angeles kota tempat diayakeun saémbara.
Cunduk ka Los Angeles, dipapag ku pupuhu-pupuhu nagara sa alam dunya, nu dareku bari ngumbar imut. Gajleng Nyi Asih luncat kanu panggung, nu lalajo jeung girang pangajén surak, sorana ngeundeurkeun jagat. Patung Libérty sujud, sérab ku kageulisan Nyi Asih.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s