Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Nu Nyémah Tengah Peuting #

Wanci ngagayuh ka tengah peuting. Bayeungyang. Koréjat, kuring hudang. Awak ngoprot ku késang. Kipas angin teu wasa nundung hareudang kapat. Tikoro tuhur. Ngoléséd tina ranjang. Seja ka dapur. Nginum.

Lebah patengahan léngkah kandeg. Kareungeu geblig suku pipireun imah. Jajantung motah. Ratug.
Nyingraykeun hordéng. Témbong nu sasalingkeran. Ngadeukeutan imah mitoha. Diteregos. Ngan kuring apal rigigna. Rurusuhan mulang ka kamar.

Nu dicuriga leungit basa kuring balik deui. Panto imah mitoha témbong méléngé. Teu lila aya nu kaluar mangku TV. Sok ditéras. Sup deui. Kaluar mawa gémbolan.

Rikat kuring ngaluarkeun HP. Ngetik sms.
“Montong atuh, Cim! Éta téh pan mitoha déwék. Ilaing teu neuleu pisan!” Sms dikirim.
Nu disérangkeun témbong ngodok pésak. Muka HP. Culang-cileung. Léos indit. TV katut buntelan ditinggalkeun.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s