Diserat ku Abu Jawad Zaenal

Dina Lapak
Fiksimini Basa Sunda

Facebook photo

Fikmin # Rahwanayana #

Kocap di Nagara Aléngka nu subur makmur kertaraharja, gumanti aji raja adil palamarta jujuluk Prabu Rahwana nu kakoncara lalaki langit lalanang jagat dipiajrih dipiasih sakumna rahayat.
Sang Prabu nuju nguyung kabingung nandangan tunggara. Ari sabab, anjeuna nampi wartos ti telik pangindra-jala réhna bébéné pamépés haté, Dewi Sinta diiwat ku Sri Rama, raja angkara murka ti Ayodya nu sailon jeung Sugriwa, karaman gerot bangsa wanara ti Kiskenda.
“Mangsana kula numpes kadoliman anjeun, Rama!” Gerentes manah Sang Rahwana. “Tapi kasalametan Sinta leuwih penting.”. Gasik Sang Prabu miang ka Maliawan, leuweung panonoban Rama nu jadi pangbérokan Sinta. Ku kasakténna, Rahwana hasil ngabébaskeun Sinta tina cangkreman Rama sarta dibawa mulang ka Aléngka.
Sri Rama bendu sakalangkung. “Ulah sambat kaniaya, Rahwana, Aléngka baris diratakeun jeung lemah sarta rahayat Andika mo disésakeun hirup!” Kitu gantawangna Sri Rama handaruan.
Kakocapkeun perang teu bisa disingkahan, sasat perang kaadilan ngalawan kadoliman. Pungkasna carita, Rahwana kasambut perlaya, nandonkeun pati ngabélaan nagara, rahayat, wanoja nu dipicintana, sarta sajatining rasa manusa.

Buku ditutup sarta diilo judulna: “Ramayana, Sri Lanka Version”. “Geuning….?”

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s