Diserat ku Neneng Yatikurniati

Dina Lapak
Fiksimini Basa Sunda

Facebook photo

Fikmin # Tears In Heaven #

Pésta nu diimpi-impi, kalaksanakeun. Sarwa méwah. Gaun pangantén tina satin pulas baby pink. Hanjakal kuring asa kurang percaya diri, sab beuteung katingali rada melenu. Kapaksa kudu mindeng nutupan ku leungeun. Papi jeung Mami bungah. Tamuna gegedén wungkul. Ambuna Jaka, alum. Imutna dipaksakeun. Komo Jaka mah, mun aya tamu nu ngajak sasalaman, bangun nu horéam nampanan. Nu ngawilujengkeun, dibales ku kunyem.

Pésta lekasan. Jaka tetep ngabigeu. Di kamar pangantén, ngahaja nyarandé ‘na dadana. Manéhna teu maliré. Haré-haré. Saré, nonggongan. Teu wani ngaganggu, rumasa. Nyileuk, parat ampir ka subuh. Turun tina risbang. Fésbukkan. Maca status Jaka pangahirna, Tanggal 10 Oktober 2014. “Peuting panungtungan. Cisoca Ambu ngagarenclang. Saurna, kuring kudu narimakeun. Mana kitu gé geus jodo. Meureun geus nasib diri kudu jadi pipinding wiwirang batur. Haté beuki asa dialungkeun kana jero sagara nu umpal-umpalan. Batin ceurik. Panon karasa panas, mudalkeun kapeurihna. Sagara mingkin muih, mawa kuring nu roroésan, néangan pamuntangan.”

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s