Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Paok Motor #

Geruuung…! Sada motor dibetot gas. Jep. Pareum deui.
Jang Agus Ican nu keur ngopi di jongko Bi Isah reuwas. Manéhna apal kana sora motor. Ninja manéhna. Tuturubun kaluar ti jongko. Gelas cikopi bahé. Kadupak.

Témbong nu keur uyak-uyek ngahirupan motor manéhna. Teu wawuh. Jang Agus Ican luncat. Ngarawél sambléh.
“Kéhéd! Sia rék maok motor aing?” Jang Agus Ican nyentak.
Rob urang Pasar Pabuaran ngariung. Nu rék maok motor dicerek. Buk-bek pada neunggeulan. Getih ngucur dina irungna. Beungeutna barengep.

“Ampuuun…! Abdi mah sanés rék maok.” Nu rék maok motor ampun-ampunan.
“Dumuk sia rék maok motor aing? Ngaku siah!” Jang Agus Ican molotot. Peureup buleudna diantelkeun kana cukang irung.
“Teu rumasa, Jang. Abdi lepat nyandak. Manawi téh motor abdi. Horéng patukeur.” Nu rék maok ngajéntrékeun. Sirahna ngeluk.
“Mana atuh motor sia?” Jang Agus Ican nanya leuleuy. Rarat-rérét.
“Éta…” Nuduhkeun ku jempol. Buriak nu ngariung nyingray. Bréh, Honda Legenda butut.
Jrot! Peureup buleud Jang Agus nyayang dina cukang irungna.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s