Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Sulaya tina Panyangka #

“Bral, geura lunta! Amalkeun élmu hidep. Hidep kudu bisa ngalarapkeun pangaweruh nu kacangking dina pakna. Hidep lulus cum laude. Sing éra, mun réngkak teu nincak wirahma!” Réktorat méré wawadi ka mahasiswa kameumeutna. Leungeunna ngusapan tonggong. Usap deudeuh.

Si Cumlaude ngabelesat ngawang-ngawang. Meulah méga malang. Nyungsi wiati. Wewesen ladang maguron dipapatkeun.

Anjeucleu na galaksi. Matana seukeut mencrong dunya. Treup, paneuteup eunteup. Na suhunan, mubus ka pawonna.

“Lakadalah! Dua manusa keur ngumbar amarah. Sirahna ngetek.”
Siet nyirorot. Clé gigirin nu keur paséa.
“Salaki pamajikan ning?”

Slep abus kana urat nu keur bendéng. Sésérélékan dina getih. Ngahihidan amarah na jero dada. Ngalimpudan uteukna ku peteng.
Gejlig kaluar. Leungeun si salalaki dirawél. Diantelkeun kana péso na méja. Diharéwosan.
Bresss! Péso nanceb na beuheung pamajikanna.
Si Cumlaude ajrag-ajragan. Ngagakgak. Seuri kapeureum-peureum. Ana bray beunta. Ngarénjag. Si pamajikan geus direcah. Témbong sikian. Sawaréh digodog na pependil.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s