Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Bungbu Saté #

Sabelas Rayagung. Poé tasrék. Aya harepan, sanggeus kamari nyamos. Poé lebaran dipungkas kulub sampeu. Cara sasari.

Ki Madhapi ngusrek neukteuk awi. Diraut. Diseukeutan. Nyieun panggangan. Lima. Mahi keur daging saparapat.

Nini Madhapi nyiksikan céngék. Meunang ngundeur tukangeun dapur. Hiriban céngék ditunda na pisin songhék. Dibanjur ku kécap runtuyan. Digalo. Nyéh seuri.
“Poé ieu laksana dahar saté.” Pikirna.

Ki Madhapi nyanghareupan pirunan nu marong. Panggangan gigireunna. Lar kéréték mawa daging qurban bagikeuneun. Ngaliwat. Liwat. Teu nyimpang.
“Ki, liwat…!” Nini Madhapi neuteup salakina. Cimata nyalangkrung.
“Teu ka bagi meureun, Ni?” Ki Madhapi némbal dareuda. Panona neuteup bungbu saté na pisin.
Curukna dianclomkeun. Dilamot. Diicip-icip.
“Ngeunah ning curuk téh, Ni?”
Nini Madhapi seuri mawur. Nurutan. Anteng duaan. Bungbu saté imeut. Nyésakeun cimata nu juuh.
Panggangan dihakan seunu pamirunan.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s